Panairi Ndërkombëtar i Biznesit “IMEX-Castilla y León”, 16 nëntor 2023

IMEX-Impulso Exterior, panairi më i rëndësishëm i biznesit ndërkombëtar dhe i tregtisë së jashtme, do të organizohet këtë vit më 16 nëntor në Castilla y León (Spanjë).

Është një panair multisektorial. Sipërmarrjet do të kenë mundësi të takohen me përfaqësues nga njëzet vende të botës. Dhoma e Tregtisë dhe Industrisë Tiranë, e përfaqësuar nga z. Eduard Hyseni, do të jetë e pranishme me stendën e saj e dedikuar për të transmetuar informacionet më të rëndësishme te sipërmarrësit e interesuar për të zgjeruar bizneset e tyre në tregun shqiptar.

Në kuadër të këtij panairi do të zhvillohet edhe konferenca me temë: “Planet për rritjen e biznesit dhe tregjeve të reja për ndërkombëtarizim” në “Centro de Soluciones Empresariales”, e cila do të mbledhë në Arroyo de la Encomienda (Valladolid) rreth 25 folës të nivelit të lartë, përfaqësues nga më shumë se 20 vende të botës dhe mbi 300 biznesmenë.

I inauguruar në vitin 2003, objektivi i panairit IMEX është t’iu prezantojë SME-ve “çelësat” e zhvillimit të tyre ndërkombëtar.

Ky event mund të shërbejë si një pikëtakim i rëndësishëm për bizneset anëtare të DHTIT-së. Veprimtaritë si B2B do t’ju ndihmojnë të shkëmbeni eksperienca dhe mundësi bashkëpunimi me kompanitë e huaja pjesëmarrëse.

Regjistrohuni dhe organizoni takimin tuaj në këtë link.