Dhoma e Tregtisë dhe Industrisë Tiranë prezanton kontributin dhe arritjet e saj në takimin përmbyllës të projektit DERHE në Ljubljanë

Më 9 nëntor 2026, në Ljubljana të Sllovenisë, u zhvillua takimi final i projektit DERHE, financuar nga Bashkimi Evropian, i cili mblodhi së bashku partnerët e projektit për të prezantuar rezultatet, arritjet dhe përvojat e përftuara gjatë zbatimit të tij.

Dhoma e Tregtisë dhe Industrisë Tiranë , në cilësinë e partnerit të projektit, prezantoi punën dhe kontributin e saj në forcimin e bashkëpunimit ndërmjet universiteteve dhe sektorit të biznesit, me fokus të veçantë në zhvillimin e aftësive sipërmarrëse dhe përafrimin e arsimit të lartë me nevojat reale të tregut të punës.

📌 Gjatë prezantimit u evidentuan aktivitetet kryesore të realizuara nga DHTIT, përfshirë:

🔹 Angazhimin e bizneseve në identifikimin e nevojave për aftësi dhe kompetenca profesionale.

🔹 Organizimin e trajnimeve  të bizneseve,.

🔹 Kontributin në zhvillimin dhe promovimin e trajnimeve në fusha si menaxhimi i projekteve, inteligjenca artificiale, siguria kibernetike dhe lean management.

🔹 Nxitjen e mundësive për bashkëpunim afatgjatë ndërmjet universiteteve dhe bizneseve.

Falënderojmë të gjithë partnerët e projektit për bashkëpunimin dhe angazhimin gjatë këtij rrugëtimi të përbashkët!