Ftesë për pjesëmarrje/ Workshop në kuadër të projektit “Engagement”, 28 qershor 2024

Dhoma e Tregtisë dhe Industrisë Tiranë ju fton në seminarin që do të organizohet në kuadër të projektit “Engagement” më 28 qershor 2024.

Qëllimi i këtij projekti është të identifikojë aspektet kulturore, mjedisore e legjislative, dhe të trajtojë sfidat që pengojnë angazhimin efektiv sipërmarrje-arsim në Shqipëri.

Nëpërmjet një Plani të Përbashkët Veprimi, “Engagement” synon të ofrojë rekomandime kyçe për të promovuar bashkëpunimin ndërmjet NVM-ve dhe sistemeve të trajnimit.

Pjesëmarrja juaj përfaqëson një kontribut të vlefshëm në forcimin e këtij mekanizmi, nga i cili përfitojnë si NVM-të, ashtu edhe të rinjtë.

Të angazhohemi së bashku për krijimin e një sistemi edukimi sinergjik që lidh institucionet arsimore me kompanitë.

Aktiviteti do të organizohet në sallën Metropol, në Tirana International Hotel, në intervalin kohor 09:30-17:00.

Lutemi konfirmoni pjesëmarrjen tuaj brenda datës 20 qershor, në adresën: aris_tasho@cci.al

Për të parë agjendën e plotë, klikoni linkun: Agenda Engagement Seminar in Tirana