“Zepa Natyral, model suksesi në industrinë shqiptare”, Kryetari i Dhomës së Tregtisë dhe Ambasadori i Katarit vizitë në ambjentet e kompanisë

Kryetari i Dhomës së Tregtisë dhe Industrisë, Tiranë, z. Nikolin Jaka, dhe Ambasadori i Katarit në Shqipëri, z. Jabor bin Ali Al Dosari, zhvilluan një vizitë pune në ambientet e kompanisë “Zepa Natyral”, një ndër aktorët më të suksesshëm të industrisë prodhuese shqiptare.

Gjatë kësaj vizite, ata u njohën nga afër me proceset moderne të prodhimit dhe standardet e cilësisë që “Zepa Natyral” aplikon në çdo aspekt të veprimtarisë së saj.

Kompania është vlerësuar për inovacionin dhe rolin e saj në tregun vendas pasi përfaqëson modelin e një kompanie që kombinon traditën me teknologjinë moderne.

Kjo vizitë thekson rëndësinë e krijimit të partneriteteve strategjike dhe mbështetjes së kompanive që promovojnë zhvillimin ekonomik dhe ndikojnë pozitivisht në imazhin e Shqipërisë në arenën ndërkombëtare.