“Vizion dhe profesionalizëm”, kryetari i Dhomës së Tregtisë, z.Nikolin Jaka dhe ambasadori i Katarit vizitë në kompaninë “Prima”

Kompania “Prima” mirëpriti Kryetarin e Dhomës së Tregtisë dhe Industrisë Tiranë, z. Nikolin Jaka dhe Ambasadorin e Katarit në Shqipëri, z. Jabor bin Ali Al Dosari, gjatë një vizite që nxori në pah cilësinë e produktit vendas.

Prej më shumë se 2 dekadash në treg, Prima sjell një larmishmëri produktesh, plot 40 të tilla, duke ia servirur në tryezë konsumatorit brenda dhe jashtë vendit.

Gjatë vizitës, përfaqësuesit u njohën me standardet e larta të teknologjisë dhe infrastrukturës moderne që kompania ka implementuar, si dhe me angazhimin e saj për zhvillimin e qëndrueshëm dhe prodhimin cilësor.

Z. Jaka dhe Ambasadori Al Dosari vlerësuan vizionin dhe profesionalizmin që karakterizon “Prima”, duke theksuar rëndësinë e saj si një model frymëzues në industrinë shqiptare dhe një partner i besueshëm në tregjet ndërkombëtare.

Kjo vizitë shënon një tjetër hap të rëndësishëm në forcimin e marrëdhënieve ekonomike dhe eksplorimin e mundësive për bashkëpunime të reja midis Shqipërisë dhe Katarit.