Takim me Ambasadorin e Maltës: Ka ardhur momenti të nisim bisedimet për bashkëpunime konkrete ndërmjet dy vendeve
Patëm nderin e kënaqësinë të kishim të pranishëm në zyrat e Dhomës së Tregtisë dhe Industrisë Tiranë Ambasadorin jo resident të Maltës shkëlqesinë e tij z. Anthony Licari të shoqëruar nga Konsulli Ynë i nderit për Maltën Dr. Tom Preku.
Në muajin maj të vitit 2018 DhTIT gjatë misionit të biznesit të zhvilluar në Kryeqytetin e Maltës nënshkroi 2 marrëveshjë bashkëpunimi, me dhomën e Valletës dhe Gozos.
Takimi kishte si qëllim prezantimin dhe diskutimin e potencialeve të dy vendeve si destinacione investimesh, si dhe prezantimin e sektorëve kyç ekonomik të dy vendeve.
Gjatë takimit u diskutua mbi mundësitë dhe lehtësimin e shkëmbimeve tregtare, duke ndikuar në fuqizimin e biznesit vendas.
Si një hap i radhës u dakordësua për shkëmbimin e informacioneve, organizimin e aktiviteteve të përbashkëta dhe u lae hapur mundësia për realizimin e një forumi biznesi vitin e ardhshëm.