Prezantohet në Shqipëri përfaqësuesi i biznesit të Bjellorusisë. Jaka: Bashkëpunimi ekonomik mes dy vendeve është hap i rëndësishëm për sipërmarrjen

Më datë 01.04.2021, u organizua konferenca elektronike ndërmjet Dhomës së Tregtisë dhe Industrisë Tiranë dhe Dhomës së Tregtisë dhe Industrisë së Bjellorusisë.

Konferenca u zhvillua në prezencën e kryetarëve të Dhomave të Tregtisë, Z. Nikolin JAKA dhe Z. Vladimir ULAKHOVICH, ku morën pjesë përfaqësuesi i Dhomës së Tregtisë së Bjellorusisë në Shqipëri, Z. Aleksander GJURBAVIJA, dhe koordinatorja e Dhomës, për marrëdhëniet tregtare me Bjellorusinë, Znj. Yunna GAYDUCHYK.

Gjatë konferencës, u bë prezantimi i përfaqësuesit për Bjellorusinë në Shqipëri, Z. Aleksander Gjurbavija dhe u nënvizua rëndësia e përfaqësimit ekonomik zyrtar të Bjellorusisë në Shqipëri, si hap i parë në zhvillimin e marrëdhënieve bilaterale.

Palët shprehën interesin dhe gatishmërinë e përbashkët për të promovuar interesat ekonomikë midis dy shteteve, si dhe diskutuan potencialin e marrëdhënieve tregtare reciproke. Gjithnjë e më shumë, Shqipëria po shihet nga Bjellorusia si një destinacion interesant turistik, dhe intensifikimi i marrëdhënieve ekonomike nëpërmjet përfaqësimit tregtar zyrtar të Bjellorusisë në Shqipëri, do të mundësojë krijimin e një platforme të drejtpërdrejtë të dialogut ekonomik dhe tregtar për sipërmarrësit e të dyja vendeve.

Një nga hapat e parë të bashkëpunimit midis palëve do të jetë organizimi i një seminari tregtar dhe ekonomik të biznesit dhe do të bëhen njoftime pranë Ministrisë së Punëve të Jashtme për fillimin e përfaqësisë ekonomike zyrtare midis dy shteteve.

Të dhënat për kontakte:

Përfaqësuesi i Dhomës se Tregtisë së Bjellorusisë në Shqipëri:

Aleksander Gjurbavija

Cel: +355 69 70 71 311

Cel: +355 69 98 944 63 (whatsapp)

Mail: agjurbavija@gmail.com

Adresa: “Selita e Vjetër”, Rr. Pinari., pll.i Gulf Productions, kt.1, Tiranë – 1060, Shqipëri

Koordinatore për Marrëdhëniet tregtare me Bjellorusinë:

Yunna Gayduchyk

Cel: +355 68 2000 457

yunna@unisonagency.al

Linqe të tjera:

https://www.cci.by/ru/content/belcci_representetives