Kryetari JAKA takim me Ambasadorin e ri të Azerbajxhanit z. Huseynov në kuadër të forcimit të bashkëpunimit ekonomik mes dy vendeve
Kryetari i Dhomës së Tregtisë dhe Industrisë Tiranë, zoti Nikolin Jaka u takua më datë 20 Tetor 2020 me Ambasadorin e ri të Azerbajxhanit rezident në Athinë, z. Anar Huseynov, në kuadër të marrjes së detyrës nga ana e tij dhe dorëzimit të letrave kredenciale.
Mundësitë e thellimit të bashkëpunimit ekonomik mes dy vendeve tona, ishin pjesa kryesore ku u fokusua takimi. Z. Huseynov duke shprehur falënderimin e tij për realizimin e takimit u shpreh se Shqipëria është një vend i cili ofron mundësi dhe hapësira të shumta bashkëpunimi
Ai nënvizoi faktin që në fqinjin tonë Malin e Zi kompanitë e Azer-it kanë bërë shumë investime në fushën e turizmit dhe thekson se: duke qënë se edhe Shqipëria ofron shumë resurse në të gjithë territorin e saj mbetet një vend me interes shumë të lartë.
Kryetari i DhTIT shprehu mbështetjen e tij dhe krijimin e urave lidhëse si edhe të një gjuhë të përbashkët në fuqizimin e marrëdhënieve bilaterale.
Kjo ishte vizita e parë në Shqipëri e ambasadorit i cili shprehu interesin dhe mbeshtetjen e tij në konsolidimin e metëjshëm të marrëdhenieve bilaterale duke nisur nga firmosja e një Marrëveshjeje Bashkëpunimi ndërmjet Dhomave homologe dhe organizimin e takimeve online për momentin duke qënë se situata e pandemisë e bën të pamundur organizimin e takimeve fizike.
Në mbyllje të këtij takimi kryetari i Dhomës së Tregtisë dhe Industrisë falenderoi për vizitën ambasadorin azerbajxhanas dhe e komplimenton për iniciativën e drejtpërdrejtë për të bërë diçka konkrete në nxitjen e bashkëpunimit të metejshëm dhe investimeve në vendin tonë duke theksuar se legjislacioni shqiptar për invesimet e huaja në vend është shumë favorizues.
