Kryetari i DHTIT, z.Jaka pret në takim kryetarin e Bujanocit: Të marrim hapa konkret që do t’i shërbejnë komunës
Kryetari i Dhomës së Tregtisë dhe Industrisë, Tiranë, z.Nikolin Jaka priti në një takim kryetarin e Komunës së Bujanocit, z. Arbër Pajaziti.
Takimi u mbajt në një frymë bashkëpunimi dhe diskutimi vëllazëror mbi mënyrat konkrete për të mbështetur zhvillimin ekonomik të Bujanocit.
Gjatë bisedës u theksua nevoja për të qenë sa më konkretë në ndërmarrjen e iniciativave që do t’i shërbejnë komunitetit.
Një nga hapat e parë do të jetë organizimi i një takim pune të përbashkët me Ambasadën dhe Kryetarin e Dhomës së Tregtisë të Serbisë, me qëllim krijimin e hapësirave për zbatimin e projekteve konkrete në Bujanoc.
“Së shpejti, disa projekte do të marrin drejtimin e duhur dhe do të sjellin përfitime të prekshme për qytetarët tanë,” u shpreh z. Pajaziti, duke nënvizuar angazhimin për të kthyer këto ide në realitet.
Ky takim shënon një hap të rëndësishëm në forcimin e lidhjeve ekonomike mes Tiranës dhe Bujanocit, duke krijuar mundësi të reja për zhvillim dhe bashkëpunim ndërkufitar.
