Kryetari i Dhomës së Tregtisë dhe Industrisë Tiranë, pret në takim Ambasadorin e ri të Argjentinës

Kryetari i Dhomës së Tregtisë dhe Industrisë Tiranë z. Nikolin JAKA , priti në takim Ambasadorin e ri të Argjentinës në Republikën e Shqipërisë Sh.T. Z. Roberto Carlés.

Takimi kishte si qëllim prezantimin dhe diskutimin e potencialeve të dy vendeve si destinacione investimesh, si dhe prezantimin e sektorëve kyç ekonomik të dy vendeve.

Gjatë takimit u diskutua mbi mundësitë dhe lehtësimin e shkëmbimeve tregtare, duke ndikuar në fuqizimin e biznesit vendas.

Si një hap i radhës u dakordësua për shkëmbimin e informacioneve, organizimin e aktiviteteve të përbashkëta dhe realizimin e një vizite të delegacionit Shqiptar të biznesit në Argjentinë dhe anasjelltas.