Jaka-Rios: Marrëdhëniet tregtare Shqipëri-Kolumbi duhet të vendosen në një standard të ri

Pas paraqitjes së kredencialeve, ambasadorja e Kolumbisë për Shqipërinë me rezidencë në Romë, zonjën Gloria Isabel Ramirez Rios zhvilloi një takim me kryetarin e Dhomës së Tregtisë dhe Industrisë Tiranë, zotin Nikolin Jaka. Takimi i zhvilluar në datë 12 mars 2021 kishte në qendër të vëmendjes vendosjen e marrëdhënieve tregtare me këtë vend, duke gjetur pikat e përbashkëta se ku mund të bashkëpunohet. Zonja Rios prezantoi në takim mundësitë reale duke kërkuar nga përfaqësuesit e biznesit shqiptar që të shohin mundësitë e tyre të investimit në vendin e saj. Nga ana e tij kryetari i Dhomës, zoti Jaka u shpreh i gatshëm të njoftojë biznesin dhe të vendosë komunikime të drejtpërdrejta me Dhomat tregtare të Kolumbisë për të patur kështu një komunikim të vazhdueshëm. Po kështu u la e hapur që në një kohë të shpejtë bizneset shqiptare të zhvillojnë një forum në Kolumbi, ku veç anëtarëve të DHTIT të jenë sipërmarrës dhe nga Kosova dhe Maqedonia Veriperëndimore.