Jaka në takim me delegacionin e Gjenevës: Duhet të kemi bashkëpunime konkrete në fusha me interes të ndërsjellë
Kryetari i Dhomës së Tregtisë dhe Industrisë Tiranë zoti Nikolin Jaka priti në një takim të veçantë ditën e premte 1 tetor 2021 një delegacion biznesi nga Gjeneva që kishte ardhur në një vizitë zyrtare në Tiranë.
Drejtori ekzekutiv i Dhomës së Gjenevës z.Vincent Subilia së bashku me z. Fatjon Demneri kryetar i Dhomës Shqiptaro-Zvicerane (ALSËISS) shprehen mirënjohje dhe kënaqësi për mikpritjen që DHTIT dhe kryetari i saj shprehën gjatë këtij takimi.
Gjate prezantimit të Dhomës së Gjenevës e cila është dhoma kryesore dhe më e madhe në Zvicër ndër 19 dhoma të 25 kantoneve, u shpreh interesi i përbashkët për të zhvillluar një forum biznesi me sipërmarrësit e të dy vendeve.
Kryetari i Dhomës së Tregtisë dhe Industrisë Tiranë falenderoi dhe shprehu mirënjohjen e tij për interesin e treguar nga ky delegacion për të zhvilluar këtë takim me Dhomën e Tiranës si dhoma më e madhe në vend.
Zoti Jaka gjatë fjalës së tij bëri një prezantim të DHTIT dhe të sektorëve strategjik ku mund të fokusohen investimet e huaja, duke nënvizuar të gjithë avantazhet që kanë sipërmarrësit e huaj nëse investojnë në Shqipëri.
Për t’i shërbyer më mirë qëllimeve të përbashkëta dhe për të çuar në një nivel tjetër bashkëpunimin mes Dhomave palët nënshkruan një marrëveshje bashkëpunimi.
