Fokusi edukimi financiar, kryetari i DHTIT-së, z.Jaka pret në takim kreun e Inteligjencës Financiare, z. Ervin Koçi

Kryetari i Dhomës së Tregtisë dhe Industrisë, Tiranë, z.Nikolin Jaka priti në një takim, Drejtorin e Përgjithshëm të Agjencisë së Inteligjencës Financiare, z. Ervin Koçi.

Fokusi i takimit ishte  diskutimi mbi “Strategjinë e edukimit dhe ndërgjegjësimit të opinionit publik mbi rrezikun e parandalimit të pastrimit të parave dhe financimit të terrorizmit (PP/FT) 2024-2030.

Takimi u përqendrua në rëndësinë e rolit të komunitetit të biznesit në rritjen e ndërgjegjësimit të opinionit publik dhe në angazhimin e përbashkët për luftën kundër pastrimit të parave dhe financimit të terrorizmit.

Në fjalën e tij, kryetari i DHTIT-së, z.Jaka shprehur gatishmërinë dhe angazhimin maksimal për të hartuar një plan konkret bashkëpunimi mes 2 institucioneve. Ai propozoi një agjendë trajnimesh të përbashkëta, jo vetëm në Tiranë, por edhe në rrethe, për të rritur kapacitetet institucionale në edukimin mbi parandalimin e pastrimit të parave dhe financimit të terrorizmit në Shqipëri.

Ky propozim u mirëprit nga Drejtori i Përgjithshëm i Agjencisë së Inteligjencës Financiare, i cili siguroi se AIF-ja do të mundësojë ekspertë ndërkombëtarë të Këshillit të Europës në trajnimin e bizneseve shqiptare.

Në fund, u dakordësua për anëtarësimin e DHTIT në Grupin Teknik Ndërinstitucional të Punës (GTNP) për të rritur bashkëpunimin.