Drejtuesit e Dhomës së Tregtisë dhe Industrisë Tiranë presin përfaqësuesit e Dhomës së Tregtisë së Bagdadit

Më 14 shtator 2021 drejtuesit e Dhomës së Tregtisë dhe Industrisë Tiranë pritën në një takim zyrtar Drejtorin e Qendrës së Investimeve të Dhomës së Tregtisë së Bagdadit, zotin Alaa A. Noor.

Qëllimi i këtij takimi ishte njohja e mundësive potenciale ku bizneset e dy vendeve mund të bashkëpunojnë. Sekretarja e Dhomës zonja Albana Laknori u shpreh në këtë takim se DHTIT është e hapur për komunikim të mëtejshëm për të vendosur pikat konkrete të bashkëpunimit.

Pas prezantimit që të dy palët bënë për njëri-tjetrin u vendos që deri në misionin e ardhshëm të përbashkët mes dy dhomave, të zhvillohen dhe shumë aktivitete të tjera informuese si me pjesëmarrje fizike apo me komunikim online.