Diskutime dhe trajnime në Workshopin e tretë ndërkombëtar të Projektit ValueFacturing SMEs

Workshopi i tretë ndërkombëtar i projektit ValueFacturing SMEs, e organizuar nga Dhoma e Tregtisë së Budapestit dhe e mbështetur nga Aleanca Evropiane e SME-ve Digjitale, solli në vëmendje praktikat më të mira të dialogut social për të forcuar konkurrueshmërinë e NVM-ve prodhuese në zinxhirët globalë të vlerës.

Gjatë ditës, dy tryeza të rrumbullakëta hapën diskutime mbi sfidat dhe mundësitë e NVM-ve në zinxhirët globalë të vlerës (GVC), me fokus të veçantë në industrinë prodhuese.

Më pas, një sesion trajnimi nga ADAPT analizoi kuadrin politik të BE-së, përfshirë Direktivën për kujdesin e duhur, si dhe rolin e dialogut social dhe negociatave kolektive në përmirësimin e kushteve të punës në sektorët e globalizuar.