DHTIT pjesë e panairit të parë virtual rajonal
Ditën e Martë 28 Korrik 2020, Oda Ekonomike e Maqedonisë Veri-Perëndimore në bashkëpunim me Odën e Afarizmit të Kosovës, Dhomën e Tregtisë dhe Industrisë së Tiranës dhe Forumin ekonomik Mbarë- Shqiptar, organizuan Panairin e parë virtual rajonal të këtij lloji, nën koordinimin e OEMVP, në të cilin rreth 60 kompani prezantuan produktet dhe shërbimet e tyre.
Qëllimi i këtij panairi virtual ishte promovimi i bizneseve nga Maqedonia e Veriut, Kosova dhe Shqipëria dhe potencialisht në të ardhmen të iniciohen bashkëpunime ndërmjet kompanive të vendeve respektive dhe më gjerë.
Fjalën e parë e kishte z. Nebi Hoxha, kryetar i Odës Ekonomike të Maqedonisë Veri-Perëndimore i cili theksoi se bizneset shqiptare në rajon janë shumë të rëndësishme jo vetëm në aspektin ekonomik vendor, por se ato ndikojnë fuqishëm edhe mbi stabilitetin e përgjithshëm ekonomik rajonal.
Në fjalën e tij z. JAKA u shpreh se Dhoma e Tregtisë dhe Industrisë Tiranë e vlerëson teper pozitivisht këtë iniciative të Odës Ekonomike të Maqedonisë Veri-Perendimore për organizimin e këtij panairi virtual rajonal, më prezencën e sipërmarrjeve nga tre vendet, Kosova, Maqedonia e Veriut dhe Shqipëria, edhe pse në një kohë pandemie, sipermarrjet tona kanë ambicje për të operuar në një Hapsire Ekonomike të përbashkët.
Po ashtu edhe Kryetarët e tjerë të Dhomave z. Krasniqi OAK, dhe kryetari I FEMSH z. Fejzi e përgëzuan këtë nismë, duke marrë parasysh kushtet e vështira të pandemisë në të cilat zhvillohet. Ata theks të veçantë i dhanë edhe produkteve vendore si dhe nxitjes së bashkwpunimit rajonal me qwllim të promovimit, zhvillimit dhe rritjes së kompanive prodhuese.
OEMVP në bashkëpunim me partnerët e saj institucional realizoi me sukses këtë Panair Virtual Rajonal, duke dëshmuar edhe njëherë se Dhomat e Tregtisë dhe FEMSH janë gjithmonë në mbështetje të biznesit në çdo situate sado e vështirë qoftë ajo.
Këtë aktivitet OEMVP e realizoi në kuadër të projektit të USAID për zhvillimin e ekosistemit afarist, duke rritur mundësitë për bashkëpunim të bizneseve në rajon dhe më gjërë.
