Çelet sot panairi “TIRANA AGRO 100”

Të pranishëm në çeljen e panairit “TIRANA  AGRO 100” ishin z. Andi Seferi nënkryetar i Bashkisë Tiranë dhe z. Nagib Fejzi kryetari i Forumit Ekonomik Mbarë-Shqiptar.

Në fjalën e tij kryetari i Dhomës së Tregtisë dhe Industrisë Tiranë falenderon Bashkinë Tiranë në cilësinë e  organizatorit të këtij panairi për të IV-in vit radhazi, i III-ti në bashkëpunim me DhTI Tiranë dhe bashkëpuntorin e afërm Forumin Ekonomik Mbarë-Shqiptar

Ai theksoi faktin që ky aktivitet është shumë i rëndësishëm jo vetëm për organizatorët por edhe për pjesëmarrësit në këtë panair duke i drejtuar një ftesë të hapur qeverisë për  të orjentuar financat  dhe energjinë drejt prodhuesit vendor, gjë e cila çon edhe në rritjen e qëndrueshmërisë ekonomike në vend.

Edhe pse në kushte pandemie duke respektuar çdo masë sigurie,  ky panair na bën që të jemi të pranishëm e të bashkëpunojmë nga afër më të gjithë, përfshirë këtu prodhuesit dhe  kompanitë lokale duke shkuar kështu drejt  konsumatorit shqiptar.

Kryetari JAKA gjatë fjalës shprehu mirënjohje të veçantë për kryetarin e FEMSH z. Fejzi për nismën e ndërmarrë, në mënyrë që ekonomia kombëtare shqiptare tashmë të ketë një komunikim të pandërprerë dhe një platformë për të investuar dhe bashkëpunuar kudo në vendet ku ata jetojnë Kosovë;  Maqedoni e Shqipëri.

Ju mirëpresim dhe urojmë suksese pjesëmarrësve në këtë panair, nga data 23-25 ndodhemi në sheshin “Skëndërbej”