Bizneset e Shqipërisë, Kosovës dhe Maqedonisë së Veriut vizitë zyrtare në Republikën Domenikane
Kryetari i Dhomës së Tregtisë dhe Industrisë Tiranë, zoti Nikolin Jaka me një delegacion biznesi nga Shqipëria, Kosova dhe Maqedonia e Veriut, po zhvillojnë një vizitë zyrtare në Republikën Domenikane.
Të pritur nga konsulli i nderit për Shqipërinë, José Manuel Romero, ky delegacion biznesi ka zhvilluar një sërë takimesh zyrtare apo kontakte me biznesin e këtij vendi.
Qëllimi i kësaj vizite është vendosja e kontakteve të drejtpërdrejta me biznese të këtij vendi dhe parja e mundësive të bashkëpunimit sidomos në sektorin prodhues.
Në takimin që kishin me kryetarin e Dhomës së Tregtisë së Santo Domingos, Manuel Sued Luna u fol për mundësitë kontrete të bashkëpunimit që konsistonin në hapjen e ndërmarrjeve prodhuese nga sipërmarërsit shqiptarë e që më pas të mund të eksportojnë.
Për të qenë sa më konkret në këtë bashkëpunim krerët e të dy dhomave nënshkruan një marrëveshje bashkëpunimi për të vijuar më tej komunikimin konkret mes biznesve të të dy vendeve.
Një takim tjetër i delegacionit të biznesit ishte në Ministrinë e Jashtme të Republikës Domenikane, ku u pritën nga zv.ministri i këtij institucioni, Hugo Rivera.
Në takim u nda mendimi i përbashkët se është i domosdoshëm vendosja e marrëdhenieve të duhura tregtare.
Pjesë e delagacionit të Biznesit është dhe kryetari i Forumit Mbarë Shqiptar, Nagip Fejzi apo kryetari i Odës së Maqedonisë Veriperëndimore, Nebi Hoxha ku dhe ata nënshkruan marrëveshje bashkëpunimi në fushat që kanë interes për intensifikimin e punës së biznesit.
