ADDUPT, një model rajonal për zhvillimin e aftësive të gjelbra, prezantohet në Qipro dhe Universitetin e Tiranës
Me synimin për të adresuar mospërputhjen e aftësive në sektorin e gjelbër dhe për të forcuar lidhjen midis Arsimit dhe Formimit Profesional (AFP) dhe tregut të punës, projekti ADDUPT u prezantua së fundmi në dy evente të rëndësishme.
Në Qipro, ADDUPT u prezantua në një bashkëbisedim rajonal për arsimin dhe zhvillimin e qëndrueshëm, ku përfaqësues të institucioneve arsimore dhe të sektorëve ekonomikë nga vende të ndryshme të Ballkanit diskutuan mbi sfidat dhe mundësitë e përmirësimit të aftësive në sektorin e gjelbër. Projekti ADDUPT u vlerësua si një model i suksesshëm bashkëpunimi ndërkombëtar dhe inovacioni në fushën e AFP-së.
Në Fakultetin e Ekonomisë të Universitetit të Tiranës, ADDUPT u prezantua për studentë, akademikë dhe aktorë të sektorit privat si një iniciativë e cila ndihmon në zhvillimin e aftësive digjitale dhe profesionale të të rinjve, për të përmbushur kërkesat e tregut të ri të punës të orientuar drejt një ekonomie të gjelbër dhe të qëndrueshme.
Projekt i financuar në kuadër të bashkëpunimit rajonal, ADDUPT vazhdon të krijojë ura të forta midis arsimit profesional dhe industrive të gjelbra, duke kontribuar në ndërtimin e një të ardhmeje më të përgjegjshme dhe të qëndrueshme për Ballkanin Perëndimor.
