14 qershor 2023, data e zgjedhjeve për Asamblenë e re të Dhomës së Tregtisë dhe Industrisë Tiranë

Zgjedhjet për Asamblenë e re të Dhomës së Tregtisë dhe Industrisë Tiranë do të mbahen më 14 qershor 2023. Vendimi u mor sot, datë 1 qershor 2023, në mbledhjen e Komisionit të Zgjedhjeve, i cili përbëhej nga Kryetari, z.Bujar Bendo, anëtarët z.Çlirim Xhemollari, z.Kledi Dusha, z.Aurel Saraçi, si dhe Sekretarja e Komisionit, znj. Nevila Konomi.

Votimi do të fillojë në orën 09:00 dhe do të zgjasë deri në orën 17:00. I gjithë procesi do të zhvillohet në mjediset e DHTI-Tiranë.

Ftohen të gjithë anëtarët e Dhomës që të marrin pjesë në votim për të zgjedhur ata që do t’i përfaqësojnë në katër vitet e ardhshme.