Thirrje interesi për pjesëmarrje në study visits- Projekti “Circular Tourism Albania”
Dhoma e Tregtisë dhe Industrisë Tiranë (CCIT), në kuadër të zbatimit të projektit Circular Tourism Albania, fton përfaqësues të ndërmarrjeve të vogla dhe të mesme (SME) në sektorin e turizmit, të shprehin interes për pjesëmarrje në mobilitetet ndërkombëtare (study visits) që do të zhvillohen në vendet e Bashkimit Europian.
Qëllimi i mobilitetit
Mobilitetet synojnë forcimin e kapaciteteve profesionale dhe institucionale në fushën e turizmit të qëndrueshëm dhe ekonomisë qarkulluese, përmes njohjes me praktikat më të mira europiane, shkëmbimit të eksperiencave me institucione dhe biznese të BE-së, si dhe zhvillimit të kompetencave profesionale dhe ndërkulturore të pjesëmarrësve.
Kriteret e përzgjedhjes
Kandidatët duhet të plotësojnë kriteret e mëposhtme:
• Njohuri të gjuhës angleze minimumi niveli B2.
• Aktivitet profesional relevant në sektorin e turizmit ose fusha të lidhura me qëndrueshmërinë.
• Disponueshmëri për pjesëmarrje në të gjitha aktivitetet e mobilitetit.
• Angazhim për pjesëmarrje aktive në aktivitetet e projektit.
• Dokumentacion udhëtimi dhe sigurim i vlefshëm.
• Respektim i parimit të barazisë gjinore në përzgjedhje.
Përfitimet nga pjesëmarrja
• Rritje e kapaciteteve profesionale në turizëm të qëndrueshëm.
• Mundësi bashkëpunimi me institucione dhe biznese europiane.
• Zhvillim i kompetencave profesionale dhe ndërkulturore.
• Zgjerim i rrjeteve ndërkombëtare të bashkëpunimit.
• Transferim i praktikave europiane në kontekstin shqiptar.
Organizimi dhe mbështetja financiare
Mobilitetet kanë kohëzgjatje rreth katër ditë. Shpenzimet e udhëtimit dhe akomodimit mbulohen nga projekti sipas rregullave financiare përkatëse.
Datat e mobiliteteve
• 28 Shkurt 2026 – Përzgjedhja e pjesëmarrësve
• 15 Mars 2026 – Rezervimi i udhëtimit dhe akomodimit (realizohet nga DHTIT në komunikim me të përzgjedhurin)
Gjermani: 20–23 Prill 2026
Francë: 04-06 Maj 2026
Procedura e aplikimit
Të interesuarit duhet të plotësojnë formularët në linket e mëposhtme, afati regjistrimit 27 shkurt 2026:
Formular regjistrimi: https://forms.gle/VbyobXqZVBjtPFFY6
Pyetësor për nevojat dhe pritshmëritë: https://forms.gle/tYfe6voatAf5cVfu6
Shënim:
Çdo person ose kompani mund të marrë pjesë vetëm në një mobilitet (study visit), me qëllim garantimin e një pjesëmarrjeje sa më të gjerë të përfituesve. Për çdo destinacion përzgjidhet vetëm një përfaqësues për kompani.
