Prezantimi i “ENGAGEMENT”/ Diskutime midis partnerëve të projektit
Projekti ENGAGEMENT po ecën përpara me përmbushjen e objektivave për krijimin e një bashkëpunimi inovativ arsim-biznes, projekt në të cilin Dhoma e Tregtisë dhe Industrisë Tiranë është partner udhëheqës.
Më 29 prill 2024, partnerët e projektit zhvilluan një takim online. Fokusi u vendos në:
- Organizimin e seminareve dhe angazhimin e palëve të interesuara për të identifikuar nevojat, sfidat dhe pritshmëritë e funksionimit të sistemit dual në vendet e Ballkanit Perëndimor;
- Identifikimin e aspekteve (kulturore, mjedisore, sociale dhe legjislative) që pengojnë angazhimin efektiv të NVM-ve në rritjen e bashkëpunimit biznes – arsim;
- Hartimin e një Plani të Përbashkët Veprimi, me qëllim qasjen e NVM-ve me sistemet e trajnimit.
Qëllimi i projektit është zgjerimi i mundësive për ndërmarrjet e vogla e të mesme (NVM) dhe institucionet e trajnimit në Shqipëri dhe vendet e rajonit.
