Njoftim për shtyp: Takimi i dytë i projektit SCOPE
Më 25 nëntor 2020, u zhvillua takimi i 2-të i projektit Scope midis partnerëve.
Situata e Covid-19 për shkak të kufizimeve të tij ka ndikuar në planin tonë të punës, aktivitetet dhe takimet që ishin planifikuar të zhvilloheshin gjatë kësaj periudhe.
Takimi i dytë i këtij projekti nuk mund të organizohej ballë për ballë, por prapë u realizua më së miri virtualisht në platformën online GoToMeeting.
Në takim morën pjesë koordinatorja e projektit të Scope, Nastjana Dedo dhe përfaqësuesit përkatës të të gjithë partnerëve:
Qendra për Kërkime dhe Teknologji Hellas-Hellenic Institute of Transport – LEAD PARTNER
Partnerët:
Universiteti Aristotel i Selanikut – Departamenti i Inxhinierisë së Ndërtimit
Dhoma Bullgare e Tregtisë dhe Industrisë – BCCI
Dhoma e Tregtisë dhe Industrisë së Tiranës
Ministria e Infrastrukturës dhe Energjisë
Dhoma e Profesionistëve të Selanikut
Shoqata Rajonale Industriale – Smolyan
Dhoma e Tregtisë dhe Industrisë Smolyan
Qëllimi i takimit ishte diskutimi i implementimit të projektit, ecuria e aktiviteteve si dhe diskutimi mbi hapat e ardhshëm.
Pjesa e parë e këtij takimi iu kushtua prezantimit të punës së bërë dhe në progres, ndarjes së afateve, shkëmbimit të pikëpamjeve për muajt në vijim. Diskutimi vazhdoi më tej në lidhje me situatën e vështirë që ndodhet secili vend partner, shkaktuar nga Covid-19 dhe gjetjen e zgjidhjeve më të mira për të arritur objektivat e projektit.
