Njoftim për Shtyp

Event ndërgjegjësues drejtuar qendrave kërkimore dhe akademisë 15 Nëntor 2018.

Me datë 15 Nëntor 2018, u mbajt eventi i parë ndërgjegjësues drejtuar qendrave kërkimore dhe akademike. Eventi u organizua në sallën e mbledhjeve të Dhomës së Tregtisë dhe Industrisë, Tiranë ku morën pjesë profesorë – ekspertë kërkimorë dhe akademikë të cilët kontribuojnë në fushën e bioteknologjisë, pularive dhe pylltarisë.

Eventi u hap nga znj. Elida Boshnjaku – Menaxhere e projektit, e cila i uroi mirëseardhjen të pranishmëve dhe u prezantoi atyre në detaje projektin, qëllimin, objektivat dhe rezultatet e pritshme.

Më pas eventi u vijua me diskutime dhe shkëmbime mendimesh rreth potencialit të gjërë të biomasës në Shqipëri, nevojës për të hartuar një strategji për bioekonominë si dhe për të mbështetur valorizimin e mbetjeve dhe nxitjen e aktiviteteve me bazë biomasën.

Nga diskutimi u konkludua që tema e bioekonomisë akoma përfaqëson një sfidë në termat e ndërgjegjësimit publik.

Në këtë kontekst vjen në ndihmë një nga objektivat e projektit që është nxitja e angazhimit të aktorëve duke përfshirë akademikët dhe kërkuesit si pjesë e  rëndësishme e helikës së trefishtë të projektit.

Ata konsiderohen si një burim i rëndësishëm për mësimin reciprok dhe të kuptuarit e fushës. Ekspertët u shprehën të gatshëm për të ofruar  mbështetjen e tyre në zbatimin e projektit, prezantuan disa ide sesi mund të komunikohet koncepti i bioekonomisë dhe cilat janë mjetet e rëndësishme që mund të përdoren për të arritur indikatorët e komunikimit.

Për më shumë informacion rreth EVENTIT NDËRGJEGJËSUES, vizitoni www.cci.al dhe/ose kontaktoni:

znj. Elida Boshnjaku, Menaxhere projekti

elida_boshnjaku@cci.al

+355 (0) 45 800 936