Kryetari i Dhomës së Tregtisë dhe Industrisë, Z. Nikolin Jaka, zhvilloi një takim me Këshilltarin Tregtar të Ambasadës së Republikës së Turqisë në Tiranë, Z. Tarik Aksoy
Kryetari i Dhomës së Tregtisë dhe Industrisë, Z. Nikolin Jaka, zhvilloi një takim zyrtar me Këshilltarin Tregtar të Ambasadës së Republikës së Turqisë në Tiranë, Z. Tarik Aksoy. Takimi shërbeu si një platformë e rëndësishme për të vlerësuar ecurinë e marrëdhënieve ekonomike dypalëshe dhe për të identifikuar mundësi të reja bashkëpunimi dhe investimesh.
Gjatë bashkëbisedimit, u theksua rritja e qëndrueshme e shkëmbimeve tregtare dhe nevoja për zgjerimin e mëtejshëm të gamës së produkteve dhe shërbimeve mes dy vendeve. Palët diskutuan gjithashtu mbi forcimin e bashkëpunimit ndërmjet bizneseve shqiptare dhe turke, përmes nxitjes së partneriteteve strategjike në sektorë me potencial zhvillimi.
Në përfundim të takimit, Z. Jaka dhe Z. Aksoy rikonfirmuan gatishmërinë për të thelluar më tej bashkëpunimin ekonomik, duke mbështetur organizimin e aktiviteteve të përbashkëta si forume biznesi dhe takime B2B. Të dy bashkëbiseduesit theksuan rëndësinë e shndërrimit të këtij bashkëpunimi në rezultate konkrete dhe të matshme për komunitetin e biznesit në të dy vendet
