Identifikimi i nevojave të tregut, DHTIT organizon fokus grupin në kuadër të projektit “RAPPORT”

Në kuadër të projektit “RAPPORT” – i financuar nga Bashkimi Europian – Dhoma e Tregtisë dhe Industrisë Tiranë po organizon një fokus grup me aktorë të tregut të punës dhe arsimit profesional, me qëllim identifikimin e nevojave konkrete të tregut sa i përket aftësive dixhitale, të gjelbra dhe sipërmarrëse.

Takimi do të zhvillohet më 24 korrik në orën 12:00-13:00, pranë ambienteve të Dhomës së Tregtisë dhe Industrisë, Tiranë.

Qëllimi i këtij aktiviteti është të mbledhë mendimet dhe përvojat e përfaqësuesve të bizneseve, institucioneve arsimore dhe aktorëve të tjerë relevantë, për të kontribuar në hartimin e një kurrikule të re të arsimit profesional që i përgjigjet realisht kërkesave të tregut të punës.

Këto aftësi – të konsideruara si aftësi ndërsektoriale – janë të aplikueshme në të gjitha drejtimet e arsimit dhe formimit profesional dhe përbëjnë një element kyç për përgatitjen e një fuqie punëtore të aftë dhe të përshtatur me sfidat e kohës.