Forum i Përbashkët Biznes-Doganë, 9 tetor 2024
Dhoma e Tregtisë dhe Industrisë Tiranë, në bashkëpunim me Drejtorinë e Përgjithshme të Doganave, do të organizojnë ditën e mërkurë, datë 9 tetor 2024 një forum të përbashkët, me fokus lehtësimin e procedurave doganore dhe informimin e bizneseve për zhvillimet më të fundit mbi informatizimin e shërbimeve. Ky aktivitet do të zhvillohet nga ora 10:00 deri në 12:00, në ambientet e MAK Albania Hotel.
Ftohen të marrin pjesë të gjitha kompanitë e importit dhe të eksportit, si dhe operatorët ekonomikë të autorizuar.
Pjesëmarrësit do të informohen për risitë e informatizimit të shërbimeve doganore, me qëllim zgjidhjen e problematikave të mundshme, si dhe do të kenë mundësi të shkëmbejnë ide dhe sugjerime për përmirësimin e mëtejshëm të procedurave doganore.
Të pranishëm në këtë forum do të jenë kryetari i Dhomës së Tregtisë dhe Industrisë Tiranë, z.Nikolin Jaka, si dhe Drejtori i Përgjithshëm i Doganave, z. Genti Gazheli, të cilët do të mbajnë nga një fjalë përshëndetëse.
Për të qenë pjesëmarrës, dërgoni shprehjen tuaj të interesit, në adresën e emailit: sekretaria@cci.al brenda datës 3 tetor 2024.
Klikoni linkun e mëposhtëm për t’u njohur me agjendën:
