Forcimi i bashkëpunimit tregtar dhe ekonomik, DHTIT takim zyrtar me këshilltarin tregtar pranë ambasadës së Indisë, z. R. Srinivasan

Sekretarja e Përgjithshme e Dhomës së Tregtisë dhe Industrisë, Tiranë, znj. Albana Laknori, priti në një takim zyrtar këshilltarin tregtar pranë ambasadës së Indisë, z. R. Srinivasan.

Qëllimi i takimit ishte krijimi i urave të bashkëpunimit mes sipërmarrësve të dy vendeve, duke nxitur shkëmbimet dhe bashkëpunimin ekonomik. Srinivasan shprehu interesin e fortë të Indisë për të qenë pjesë e tregut shqiptar dhe për të thelluar marrëdhëniet tregtare.

Nga ana e saj, znj. Laknori theksoi gatishmërinë e Dhomës së Tregtisë dhe Industrisë, Tiranë, për të mbështetur këtë bashkëpunim, duke propozuar organizimin e forumeve të biznesit, takimeve B2B dhe pjesëmarrjen në panairet që organizon Dhoma.

Në përfundim të takimit, palët ranë dakord edhe për nënshkrimin e një memorandumi bashkëpunimi, që do të forcojë më tej lidhjet ekonomike midis dy vendeve.