DHTIT organizon trajnim mbi zbatimin e ligjit “Për Tatimin mbi të Ardhurat”

Dhoma e Tregtisë dhe Industrisë, Tiranë do të mbajë trajnimin e radhës për “Zbatimin e Ligjit Nr. 29/2023 ‘Për Tatimin mbi të Ardhurat’”, i ndryshuar”. Për shkak të kërkesave që kanë mbërritur, trajnimi do të zhvillohet në dy grupe të ndara; grupi i parë 29-30 Janar dhe grupi i dytë në datat 4-5 shkurt. Duke qenë se kanë mbetur edhe pak vende, ju ftojmë të merrni pjesë në trajnim ky pjesëmarrësit do të kenë mundësi të kuptojnë dhe zbatojnë ndryshimet e fundit të këtij ligji përmes shembujve dhe rasteve praktike.

Trajnimi do të zhvillohet nga Arben Hasanaj, ekspert i njohur në fushën e tatimeve me një përvojë të pasur në konsulencë dhe trajnime që nga viti 2017. Hasanaj vjen nga Drejtoria e Apelimit Tatimor në Ministrinë e Financave, me një eksperiencë të konsoliduar ne fushën e legjislacionit tatimor ne Shqipëri, njohuri mbi interpretimin e ligjeve fiskale dhe TVSH-n, këshillues i klientëve vendas dhe të huaj.
Afati i fundit i regjistrimit do të jetë data 28 Janar 2025.

Çfarë do të mësoni?
• Si të deklaroni të ardhurat për vitin 2024- të ardhurat nga punësimi, të ardhurat nga biznesi, të ardhurat nga investimet, dhe të ardhurat e korporatave
• Normat tatimore dhe përjashtimet
• Tatimi mbi të ardhurat personale dhe korporatave
• Praktika konkrete dhe zgjidhje për raste të zakonshme
• Cilët janë Tatimpaguesit për tatimin mbi të ardhurat e korporatave?
• Deklarata e tatimit të mbajtur në burim
• Të ardhurat dhe pagesat objekt i tatimit të mbajtur në burim
• Tatimi i trashëgimisë, dhuratave dhe fitimeve nga lojërat e fatit
• Deklarata mbi statusin personal
• Deklarata vjetore e të ardhurave personale
• Deklarata e të ardhurave nga biznesi
• Deklarata e të ardhurave kooperative (tatim fitimi)
📅 Data
29-30 Janar (Grupi 1)
4-5 shkurt (Grupi 2)
🕓 Ora: 16:30
📍 Vendi: Dhoma e Tregtisë dhe Industrisë Tiranë
Afati i regjistrimit: 28 janar 2025
Për t’u regjistruar lutem plotësoni formularin e regjistrimit duke specifikuar grupin në të cilin dëshironi të merrni pjesë.

Formulari Zbatimi i Ligjit Nr. 29 2023 “Për Tatimin mbi të Ardhurat”, i ndryshuar

Marina Pilinçi
Koordinatore Trajnimi/ Training Coordinator
Chamber of Commerce & Industry Tirana
Rruga e Kavajes, Bld 2/2
1001 Tirana, Albania
Tel: +355 069 20 56 426
E-mail: trajnime@cci.al|Web: www.cci.al