Dhoma e Tregtisë dhe Industrisë Tiranë organizon webinarin për Programin e Trajnimit ADDUPT

Dhoma e Tregtisë dhe Industrisë Tiranë ka organizuar një webinar informues në kuadër të projektit ADDUPT. Në këtë takim u prezantua Programi i Trajnimit për Zhvillimin e Burimeve Dixhitale të Mikromësimit. Ky aktivitet u realizua në bashkëpunim me Qendrën ACT dhe ka për qëllim mbështetje për organizatat dhe profesionistët që merren me sektorin e gjelbër, duke ofruar mundësi trajnimi falas dhe zhvillim kapacitetesh.

Gjatë webinarit, pjesëmarrësit u njohën me qëllimin e projektit ADDUPT dhe me produktet që janë zhvilluar deri tani nga partnerët e projektit. Po ashtu, u diskutua rreth trajnimit të ofruar, ku u shpjeguan kriteret e përzgjedhjes, modulet që do të trajtohen, periudha e zhvillimit të trajnimeve, dhe mënyra e certifikimit përfundimtar.

Dhoma e Tregtisë dhe Industrisë Tiranë falenderon të gjithë pjesëmarrësit për angazhimin dhe interesin e treguar për të marrë pjesë në këtë program trajnimi. Ky aktivitet është i bashkëfinancuar nga Bashkimi Evropian dhe është një hap tjetër drejt përmirësimit të aftësive dhe kapaciteteve në sektorin e gjelbër.