DERHE përmbyll ciklin e trajnimeve mbi inteligjencën artificiale dhe sigurinë kibernetike pranë FONDI BESA
Në kuadër të projektit DERHE, të financuar nga Bashkimi Evropian, Dhoma e Tregtisë dhe Industrisë së Tiranës, në bashkëpunim me Fakultetin Ekonomik të Universitetit të Tiranës, përmbylli me sukses ciklin e trajnimeve mbi “Inteligjenca artificiale dhe siguria kibernitike”, të zhvilluar pranë FONDI BESA.
Gjatë trajnimit u trajtuan tema të rëndësishme si:
Përdorimi i AI në biznes dhe administrim Mbrojtja e të dhënave dhe privatësisë Identifikimi dhe parandalimi i sulmeve kibernetike Praktikat më të mira për sigurinë digjitale në organizata Roli i teknologjive inteligjente në transformimin e proceseve të punës
Çfarë synon projekti DERHE?Projekti kontribuon në nxitjen e transformimit digjital në institucionet e arsimit të lartë në Ballkan, duke forcuar aftësitë e studentëve, duke afruar akademinë me biznesin dhe duke mbështetur zhvillimin socio-ekonomik të rajonit.
Bashkëpunimi ndërmjet universiteteve dhe bizneseve mbetet një faktor kyç për inovacionin, zhvillimin e aftësive dhe përgatitjen e profesionistëve të së ardhmes.
