CCIT Awards 2024/ Mbrëmja gala “Më të mirët e Sipërmarrjes”

“CCIT Awards” do të bëjë bashkë në një mbrëmje gala më 19 janar 2024, në Teatrin e Operës dhe Baletit, kompanitë më të mira që operojnë sot në tregun shqiptar, promotorë të ekonomisë së vendit.

Një ngjarje që organizohet prej disa vitesh nga Dhoma e Tregtisë dhe Industrisë Tiranë, qëllimi i të cilës është vlerësimi dhe nderimi i sipërmarrjeve për standardin, cilësinë pa kompromis, besueshmërinë dhe përgjegjshmërinë në treg. Këta elementë janë guri i themelit ku mbështetet suksesi i tyre, në shërbim të shoqërisë dhe progresit.

E kthyer tashmë në një traditë të përvitshme, ceremonia e ndarjes së çmimeve për më të mirët e sipërmarrjes 2023, e cila përkon edhe me 127-vjetorin e krijimit të Dhomës së Tregtisë dhe Industrisë Tiranë, do të nisë në orën 19:00 dhe do të transmetohet drejtpërdrejt në “ABC News”, partner mediatik i këtij eventi. Mbrëmja e ndarjes së çmimeve do të pasurohet njëkohësisht edhe me një program artistik.

Të ftuar në këtë event do të jenë përfaqësues të lartë të institucioneve shtetërore, të bizneseve shumë të suksesshme, akademikë dhe profesionistë të fushave të ndryshme.

ABC NEWS, PARTNERI MEDIATIK I CCIT AWARDS