BALKANET, zhvillohet në Tiranë panairi Agro-Ushqimor

Më datat 30-31 Tetor 2019, në Tiranë, në ambientet e Universitetit Bujqësor Tiranë u zhvillua Panairi Agro-Ushqimor të projektit “RRJETI I IDEVE BALLKANIKE PËR INOVACION TË QËNDRUESHËM NË SEKTORIN AGRO-USHQIMOR” i organizuar nga Dhoma e Tregtisë dhe Industrisë Tiranë (DHTIT).
Projekti BALKANET financohet nga programi i bashkëpunimit territorial Ballkanit Mesdhetar, ku përfshihen 6 partnerë nga 3 vende evropiane: Dhoma e ILIA-s (Greqi), Kompania për Zhvillim e rajonit të Greqisë Perëndimore (Greqi), Dhoma e Tregtisë dhe Industrisë Tiranë (Shqipëri), Universiteti Bujqësor i Tiranës (Shqipëri), Dhoma e Tregtisë dhe Industrisë e Vratsa (Bullgari), Agjencia për Zhvillim Rajonal dhe Ekonomik (Bullgari).
Duke pasur parasysh rëndësinë e këtij projekti, panairi kishte si qëllim promovimin e ideve inovatore dhe mundësimin për krijimin e urave të reja ndërmjet studentëve dhe SME-ve.
Në këtë event, morën pjesë grupi i punës së projektit nga Dhoma e Tregtisë dhe Industrisë Tiranë. U prezantuan dhe promovuan në mënyrë të dedikuar tek vizitorët e stendës idetë inovatore.
Vlen të theksohet se të gjithë e vlerësuan idenë e projektit dhe treguan interes për të marrë pjesë në aktivitetet që do të zhvillohen në kuadër projekti në të ardhmen. Për të lehtësuar prezantimin u përdorën materialet e realizuara të komunikimit të tilla si roll-up, fletushka, dosje etj.
Për më shumë informacion rreth projektit mund të vizitoni:
• faqen zyrtare të projektit: http://www.balkanet.eu/
• faqen facebook: https://www.facebook.com/Balkanet.project//dhe/ose kontaktoni Menaxherin e Projektit: z. Arbi Hoxha
Email: arbi_hoxha@cci.al Tel: +355 (0) 45 800 936