Edicionin e 16-të të Samitit Digjital të ONZ-IGF (Internet Governance Forum) 2021, me temë “Internet United”, në datat 6-10 dhjetor

Më datat 6-10 dhjetor 2021, Polonia do të organizojë në Katovicë, Edicionin e 16-të të Samitit Dixhital të ONZ-IGF (Internet Governance Forum) 2021, me temë “Internet United”.

Referuar njoftimit të përcjellë nëpërmjet Ambasadës sonë në Poloni informohemi se, në këtë aktivitet janë të ftuar të marrin pjesë jo vetëm krerët dhe përfaqësuesit e qeverive, dhe institucionet e linjës, por edhe sipërmarrësit, përfaqësues akademikë dhe organizatat joqeveritare, që merren kryesisht me çështjet digjitale.

Pjesëmarrës nga e gjithë bota, pritet të diskutojnë mbi mundësitë dhe sfidat e krijuara nga hapësira digjitale, si dhe për mënyrat e përdorimit të potencialit të botës digjitale.

Për të gjithë të interesuarit, informacioni i plotë mbi IGF 2021 dhe procedurën për regjistrim dhe pjesëmarrje, mund të gjendet në faqen: www.igf2021.pl.