Buletini DERHE | Edicioni 6 – Nëntor 2026
Edicioni i gjashtë i buletinit DERHE prezanton rezultatet e projektit në Fakultetin e Ekonomisë të Universitetit të Tiranës (FEUT), të prezantuara në konferencën e 12 tetorit 2026, të organizuar në bashkëpunim me Dhomën e Tregtisë dhe Industrisë Tiranë (DHTIT). Buletini tregon se si trajnimet dhe projektet studentore e kanë lidhur mësimdhënien me nevojat e bizneseve.
Në kuadër të projektit u zhvilluan 19 trajnime, 11 për bizneset dhe 8 për studentët, me tema si menaxhimi i projekteve, inteligjenca artificiale dhe siguria kibernetike. Gjithashtu, u përditësuan programet e 8 lëndëve dhe u përfunduan 11 tema diplomash me bashkëmentorim nga KU Leuven dhe Universiteti i Lubjanës.
Buletini sjell edhe dy shembuj të bashkëpunimit në praktikë. Në hackathon-in ndërkombëtar të DERHE, studentë nga Tirana dhe Sarajeva hartuan një propozim strategjik për kompaninë Mlin Ustikolina, duke ndërthurur qëndrueshmërinë me transformimin digjital. Në projektin për kompaninë Montleon, studentët e FEUT zhvilluan një model për llogaritjen e kostove të prodhimit me printim 3D.
Buletinin e plotë mund ta lexoni duke klikuar në linkun më poshtë.
