Takimi i parë i projektit “DERHE” në Slloveni

Në kuadër të programit Erasmus+, partnerët e projektit “DERHE” zhvilluan takimin fillestar në datën 14.02.2024, në Fakultetin e Inxhinierisë Mekanike, Ljubljanë, Slloveni.

Ky takim i parë nisi me prezantimin e secilit pjesëmarrës. Sekretarja e Përgjithshme e Dhomës së Tregtisë dhe Industrisë Tiranë, znj. Albana Laknori prezantoi rolin dhe shërbimet e DHTIT, si një institucion ku biznesi takon vizionin dhe inovacionin.

Gjatë prezantimit, u theksua roli i Dhomës së Tregtisë si thelbi i zhvillimit të biznesit dhe vendi ku lindin partneritete të fuqishme dhe mundësitë shndërrohen në projekte të suksesshme, duke synuar krijimin e një atmosferë ku inkurajohet inovacioni dhe zhvillimi i biznesit është i vlerësuar.

Takimi u pasua me paketën e punës për secilin nga partnerët.

Në përfundim të takimit, partnerët patën mundësinë të eksploronin më mirë ambientet e fakultetit. Gjatë këtij turi, partnerët u njohën me hapësirat mësimore, laboratorët e teknologjisë, veçanërisht të robotikës.