Takimi Fillestar i Projektit “ValueFacturing SMEs”
Në kuadër të programit Erasmus+ SOCPL, partnerët e projektit “ValueFacturing SMEs” zhvilluan një takim të parë më 24 tetor 2023, në Fakultetin e Inxhinierisë Mekanike në Romë, Itali.
Gjatë takimit, secili pjesëmarrës ndau prezantimin e tij. Znj. Aris Tasho, Drejtore e Departamentit të Projekteve në Dhomën e Tregtisë dhe Industrisë Tiranë, theksoi rolin dhe shërbimet e Dhomës si një institucion ku biznesi takohet me vizionin dhe inovacionin. Ajo nënvizoi rolin e rëndësishëm të Dhomës së Tregtisë në krijimin e një mjedisi që inkurajon inovacionin dhe vlerëson rritjen e biznesit.
Takimi u pasua me prezantimin e paketës së punës për secilin nga partnerët, duke përfshirë menaxhimin, raportimin dhe ndryshimet e granteve të veprimit.
