“Seminar për zhvillimin e aftësive në sektorin e gjelbër”, prezantimi i projektit ADDUPT nga Dhoma e Tregtisë dhe Industrisë, Tiranë

Në kuadër të aktiviteteve që  Dhoma e Tregtisë dhe Industrisë Tiranë ka në agjendën e saj, u organizua një seminar me pjesëmarrjen e bizneseve dhe aktorëve të ndryshëm ekonomikë. Aktiviteti kishte për qëllim shkëmbimin e informacionit mbi projektet aktuale që po zbatohen nga Departamenti i Projekteve pranë DHTIT-së si dhe prezantimin e mundësive të reja për bashkëpunim dhe zhvillim.

Një vëmendje e veçantë iu kushtua projektit ADDUPT, një iniciativë e financuar nga Bashkimi Evropian, që synon zhvillimin e aftësive dhe kapaciteteve të organizatave të Arsimit dhe Trajnimit Profesional (VET). Ky projekt adreson nevojat e sektorit të gjelbër duke ofruar burime të dedikuara për trajnim dhe zhvillim profesional.

Deri më tani, projekti ka realizuar një sërë videosh promovuese që mund të gjenden në kanalin e personalizuar në YouTube. Gjithashtu, është prezantuar edhe platforma “Learning4Green.eu”, e cila ofron burime dhe materiale të vlefshme për trajnimet në fushën e gjelbër.

Ky projekt vjen te bizneset me një mesazh: “Bashkohuni me projektin ADDUPT për të ndërtuar një të ardhme më të gjelbër! Ndihmoni organizatën tuaj të përmbushë sfidat e sektorit të gjelbër duke përfituar nga trajnimet, burimet dhe platforma jonë interaktive. Zbuloni më shumë në Learning4Green.eu.”

Aktivitetet rikonfirmojnë përkushtimin e Dhomës së Tregtisë dhe Industrisë Tiranë për të mbështetur bizneset shqiptare në përballimin e sfidave të ndryshimeve globale dhe për të ndihmuar në krijimin e një ekonomie të qëndrueshme dhe të gjelbër.