Projekti “DERHE”, partnerët takohen në Mal të Zi për Workshop-in e rëndësishëm

Në kuadër të projektit “DERHE”, i financuar nga Bashkimi Europian, u zhvillua më 13 Shkurt 2025 një workshop i rëndësishëm i organizuar nga Fakulteti i Inxhinierisë Mekanike i Universitetit të Malit të Zi në Podgoricë. Ky workshop kishte për qëllim prezantimin e kurseve dhe programeve akademike të zhvilluara nga disa universitete, të cilat janë të fokusuar në lidhjen me industrinë dhe kërkesat e tregut të punës.

Gjatë këtij aktiviteti, pjesëmarrësit patën mundësinë të vizitojnë laboratorët e Fakultetit të Inxhinierisë Mekanike, duke u njohur me infrastrukturën dhe teknologjinë e përdorur në procesin mësimor dhe kërkimor. Njëkohësisht, ata diskutuan mundësitë për zhvillimin dhe forcimin e bashkëpunimit ndëruniversitar, si dhe krijimin e kurseve të përbashkëta që do të përmbushin nevojat e industrisë.

Workshop-i përfundoi me një takim të partnerëve, ku u diskutuan hapat e ardhshëm të projektit “DERHE” dhe mundësitë për të rritur ndikimin e tij në përmirësimin e arsimit dhe zhvillimin e aftësive profesionale të studentëve.

Pjesëmarrësit shprehën angazhimin e tyre për të punuar së bashku për avancimin e mëtejshëm të projekteve të tilla.