Projekti 1Future, mbahet në Tuzla takimi i radhës me partnerët e projektit!

Më datat 30 qershor – 1 korrik 2025, u mbajt Takimi i Menaxhimit të Projektit 1Future në ambientet e Universitetit të Tuzlës, ku morën pjesë përfaqësues të të gjithë partnerëve të projektit.

Gjatë takimit, u diskutuan përditësimet lidhur me raportet e cilësisë, u bë një rishikim i detajuar i kurrikulës dhe u trajtua organizimi i kursit intensiv të personalizuar (TMSIC). Një pjesë e rëndësishme e diskutimeve iu kushtua modeleve të biznesit për të siguruar vazhdimësinë e projektit edhe pas përfundimit të tij.

Gjithashtu, partnerët u angazhuan në planifikimin e simpoziumit të ardhshëm, si dhe në përcaktimin e detyrave të ardhshme dhe përgatitjen për raportimin financiar.

Takimi shërbeu si një hap i rëndësishëm drejt konsolidimit të rezultateve të deritanishme dhe sigurimit të një zbatimi të suksesshëm të fazave në vijim të projektit.