Projekti 1FUTURE bën bashkë akademikë, biznese dhe studentë, për më shumë bashkëpunim! Prezantohet platforma online

Projekti 1FUTURE, i financuar nga Bashkimi Europian, ka bërë bashkë ditën e sotme në ambientet e Fakultetit të Ekonomisë, akademikë, përfaqësues të bizneseve dhe studentë.

Qëllimi i këtij takimi ishte krijimi i urave të komunikimit dhe i mundësive të bashkëpunimit mes palëve, për një të nesërme më të gjelbër.

Në këtë takim u prezantua edhe platforma online e 1FUTURE, një mjet digjital inovativ rajonal, që përfshin disa vende të Ballkanit Perëndimor, si Mali i Zi, Bosnja dhe Shqipëria, i krijuar për të lehtësuar bashkëpunimin midis bizneseve, universiteteve dhe politikëbërësve. Në këtë platformë, çdo përdorues mund të krijojë profilin e tij dhe të përfshihet në diskutime, të propozojë ide, ose të marrin pjesë në projekte të përbashkëta, praktika apo aktivitete kërkimore.

Platforma u zhvillua përmes mbështetjes së projektit të financuar nga BE JOiNEd For SusUsSainability – Building Climate Resilient Community in BB dhe EU 1 FUTURE Project (101082815-ERASMUS-EDU-2022-CBHE-STRAND-2).

Pjesëmarrësit vlerësuan jo vetëm rëndësinë e bashkëpunimit ndërmjet palëve të ndryshme, por edhe ndikimin që ky projekt mund të ketë në formësimin e një të ardhmeje më të qëndrueshme dhe me më shumë mundësi për angazhimin e brezave të rinj në fushën e mjedisit dhe inovacionit.

Shumë prej tyre theksuan se ky është një hap i rëndësishëm për krijimin e një kulture të bashkëpunimit dhe solidaritetit në nivelin akademik dhe profesional, që mund të sjellë rezultate të prekshme për zhvillimin e një ekonomie të gjelbër dhe të qëndrueshme.