Mbyllet panairi tregtar post Covid 19 “Shpresë dhe Besim për biznesin Shqiptar”

Njoftime, Panaire

Dhoma e Tregtisë dhe Industrisë Tiranë, në bashkëpunim me Bashkinë Tiranë, organizuan panairin tregtar “Shpresë dhe Besim për biznesin Shqiptar”, nga data 10-14 qershor 2020, në sheshin Skëndërbej.

Në këtë panair bizneset patën mundësi të promovojnë dhe të shesin produktet e tyre për konsumatorin shqiptar duke ofruar gjithashtu argëtim dhe atmosferë festive për çdo moshë.

Mbi 40 kompani pjesëmarrëse ngritën stendat e tyre, kryesisht nga sektori agroushqimor, të pijeve alkolike dhe lengje frutash, pularisë, depo farmaceutike, sektori i artizanatit etj.

Ky aktivitet u konsiderua si një ngjarje e rëndësishme, dhe u prit mjaft mire si nga biznesi dhe nga konsumatori I cili u bë pjesë e tij duke vizituar stendat e panairit për 5-se ditë me radhë pasi kur ende nuk ka ikur COVID-19, sipërmarrja që është motorri i ekonomisë synon të sjellë për konsumatorin shqiptar produktet dhe njëkohësisht modelin më të mirë të sjelljes së biznesit për situatën që po kalojmë.

Dhoma e Tregtisë dhe Industrisë Tiranë gjen mundësinë të shprehë mirënjohjen dhe falenderimet e saj për mbështetjen e pakushtëzuar që bizneset dhe konsumatori treguan.

Jeni të mirëpritur në panairet e ardhshme që DhTIT do të organizojë.

Mendime dhe Propozime

Mbyllet panairi tregtar post Covid 19 “Shpresë dhe Besim për biznesin Shqiptar”