Kryetari Jaka takohet me Ambasadorin e Suedisë: Më shumë projekte që nxisin bashkëpunimin
Rritja e bashkëpunimit ekonomik dhe forcimi i tregtisë mes Shqipërisë dhe Suedisë ishin kryefjala e takimit që Kryetari i Dhomës së Tregtisë dhe Industrisë Tiranë, z. Nikolin Jaka pati ditën e sotme me Ambasadorin suedez në vendin tonë, z.Niklas Ström dhe këshilltarin e tij, z.Viktor Gunnarsson Popovic.
Palët diskutuan dhe ndanë përvojat dhe vizionin e tyre mbi fushat e interesit të përbashkët për bashkëpunim, investime dhe më tej organizimin e një forumi biznesi mes dy vendeve.
Gjatë bisedës, kryediplomati Ström nënvizoi interesin e sipërmarrjeve suedeze për të investuar në Shqipëri në sektorët e energjisë, turizmit, agroturizmit, mobiljeve dhe bujqësisë.
Teksa renditi sugjerimet per zhvillimin e bashkëpunimit dypalësh, z. Jaka shprehu vendosmërinë për të konsideruar me seriozitet çdo projekt të përbashkët.
