Ftesë për pjesëmarrje në workshopin: “BRE, një platformë që shërben si mjet për analizën e të dhënave”
Dhoma e Tregtisë dhe Industrisë Tiranë do të zhvillojë më 28 mars 2023 workshopin me temë “BRE Plus, një mundësi për analizën e të dhënave: strategjitë, mjetet dhe modalitetet operative për analizën e sipërmarrjeve shqiptare.”
Ndaj, kemi kënaqësinë t’ju ftojmë në këtë aktivitet, i cili realizohet në kuadër të projektit BRE PLUS, pjesë e programit Interreg IPA CBC Itali-Shqipëri-Mali i Zi.
Në vazhdën e nismave të posaçme të BRE dhe qëllimit të këtij projekti për përmirësimin e ndërkombëtarizimit të kompanive, në këtë takim do të keni mundësinë që të informoheni për rëndësinë e të dhënave statistikore kombëtare për krijimin e një regjistri biznesi.
“Analiza e klimës së investimeve në Shqipëri – mundësitë dhe sfidat”, do të jetë një tjetër temë diskutimi.
Aktiviteti do të organizohet në sallën Onufri, Hotel Tirana international, dhe do të zgjasë në intervalin kohor 09:45-16:30.
Do të ishim të nderuar nëse do ta na bashkoheni në këtë takim.
Për konfirmime, lutemi të na kontaktoni deri ditën e diel, 26 mars, në adresën: aris_tasho@cci.al
Më poshtë, agjenda e plotë:
