EEN-Albania prezantohet gjate dy ditëve të Panairit “Dita e Verës 2019”.
U mbajt në datat 13-14 Mars 2019, në Elbasan, në ambientet e Pallatit të Sportit, sesioni informues mbi shërbimet që Dhoma e Tregtisë dhe Industrisë Tiranë (DHTIT) ofron ndaj sipërmarrjes shqiptare në kuadër të projektit “Enterprise Europe Network – Albania”. Ky event i përbashkët promovues iu bashkua Panairit të Përgjithshëm “Dita e Verës 2019” me një stendë të posacme. Eventi në tërësinë e tij u organizua nga Dhoma e Tregtisë dhe Industrisë Elbasan. I konceptuar si një nga aktivitetet më të rëndësishëm të biznesit në rajon, ky panair përcoi mesazhin e përpjekjeve për të mbështetur zhvillimin e vazhdueshëm të industrisë, tregëtisë, shërbimeve etj.. dhe për ta bërë këtë rajon, një destinacion të preferuar per biznes.
Bashkëpunimi në organizimin e këtij eveni kishte si qëllim informimin dhe ndërgjegjësimin rreth rrjetit më të gjerë që EU ka lancuar që prej vitit 2008, tek të gjithë pjesëmarrësit në stenda apo në ambjentet e panairit, qofshin këta përfaqësuesit e kompanive ekspozuese, institucionet arsimore, organet publike, apo edhe publikun e gjërë.
Të gjithë vizitorëve që erdhën në stendën tonë dedikuar për promovimin e projekteve, por edhe përfaqësuesve nga kompanitë eksozuese iu ofruan shërbime individuale partneriteti apo dhe mbi akses ne financimet e ofruara nga Komisioni Europian duke i vizituar stendë më stendë. Ata u njohën gjerësisht dhe në detaje me rezultatet dhe mbështetjen e deritanishme të ofruar për të gjithë ata sipërmarrës me ide inovative që synojnë rritjen dhe internacionalizimin, në kuadër të projektit dhe produktet e konkretizuara gjatë 3 viteve të shkuara të implementimit të tij.
Ndër vizitorët e stendës ishin dhe Kryetari i Dhomës së Tregtisë dhe Industrisë Elbasan z. Veli Kazazi dhe Sekretari i Përgjithshëm z. Edmond Popa me të cilët u shkëmbyen mendime dhe ide për bashkëpunim të mundshëm në kuadër projekti.
Për të arritur një audiencë më të madhe, por edhe për të përcjellë një informacion sa më konciz u përdorën të gjitha materialet promovuese të realizuara, të tilla si Baneri i murit I EEN, Roll-up banner, fletushka, dosje, fletëprezantimi të projektit, stilolapsa, kartëvizita të dedikuara etj.
Për më shumë informacion rreth projektit mund të vizitoni:
- faqen zyrtare të projektit: https://een.ec.europa.eu/ https://een.al/?lang=sq
- faqen e facebook: https://www.facebook.com/eenalbania/
- faqen twitter: https://twitter.com/eenalbania
ose kontaktoni Koordinatoren e Projektit për DHTIT: Znj. Jonida Haxhillari
Email: jonida_haxhillari@cci.al
Tel: +355 (0) 69 972 79 52
Foto Galeri:
