DhTIT merr pjesë në Kick-off Meeting të projektit AI4DigiT

Dhoma e Tregtisë dhe Industrisë Tiranë (DhTIT) mori pjesë në takimin hapës të projektit AI4DigiT, financuar nga Bashkimi Europian, i cili u zhvillua më 14–15 korrik 2026 në Fakultetin e Ekonomisë, Universiteti i Tiranës. Takimi shënoi nisjen zyrtare të projektit dhe bashkëpunimit ndërmjet partnerëve, duke përcaktuar hapat e parë për zbatimin e aktiviteteve.

Në cilësinë e partnerit udhëheqës të Work Package 4 – Dissemination, Awareness & Sustainability, DhTIT do të koordinojë aktivitetet e komunikimit, ndërgjegjësimit dhe diseminimit, me fokus rritjen e vizibilitetit të projektit dhe garantimin e qëndrueshmërisë së rezultateve të tij.

Gjatë takimit u prezantua plani i komunikimit dhe ndërgjegjësimit, duke theksuar rëndësinë e një bashkëpunimi të ngushtë ndërmjet partnerëve për të siguruar që shërbimet dhe rezultatet e AI4DigiT të jenë sa më të aksesueshme dhe të kontribuojnë në transformimin digjital të Shqipërisë.

DhTIT mbetet e angazhuar në nxitjen e bashkëpunimit ndërmjet biznesit, institucioneve dhe ekosistemit të inovacionit, duke mbështetur zhvillimin e aftësive digjitale dhe përdorimin e inteligjencës artificiale për një ekonomi më konkurruese.