Dhoma e Tregtisë dhe Industrisë, Tiranë mbështet të ardhmen e qëndrueshme në arsimin e lartë!
Dhoma e Tregtisë dhe Industrisë, Tiranë, ka njoftuar publikimin e edicionit të 3-të të Newsletter-it të 1Future, një projekt i cili thekson përpjekjet për zhvillimin e qëndrueshëm dhe mbështetjen për arsimin e lartë në Shqipëri dhe rajon. Ky edicion përqendrohet në krijimin e Qendrave të Njohurive për Klimën dhe Qëndrueshmërinë (KHCS), një iniciativë të rëndësishme e realizuar në bashkëpunim me disa universitete të njohura.
Qendrat e Njohurive janë një hap i rëndësishëm për ndërlidhjen e akademisë, biznesit dhe komunitetit, duke mundësuar një qasje më të integruar dhe bashkëpunuese për adresimin e sfidave mjedisore globale. Me këtë iniciativë, Dhoma e Tregtisë synon të mbështesë zhvillimin e praktikave të qëndrueshme dhe të nxisë përfshirjen e mëtejshme të sektorit privat në iniciativat që kanë si qëllim mbrojtjen e mjedisit.
Projekti përfshin disa aktivitete kyçe:
- Thirrje për artikuj në edicionin e revistës shkencore “Klima dhe Qëndrueshmëria”, e cila do të përfshijë punime dhe kërkime të reja mbi klimën dhe qëndrueshmërinë.
- Organizimin e vizitave studimore dhe bashkëpunimeve për promovimin e praktikave të qëndrueshme dhe për zhvillimin e shoqërisë dhe ekonomisë.
- Investime në pajisje dhe teknologji moderne për kërkime dhe trajnime inovative në fushat e klimës dhe qëndrueshmërisë.
Dhoma e Tregtisë dhe Industrisë, Tiranë, mbetet e përkushtuar në përfshirjen e biznesit dhe institucioneve arsimore në projekte që nxisin zhvillimin e qëndrueshëm dhe ndihmojnë përballimin e sfidave klimatike.
