Buletini DERHE | Edicioni 4 – Dhjetor 2025
Edicioni i katërt i buletinit DERHE prezanton kalimin nga faza e përgatitjes në zbatimin konkret të programeve të trajnimit për studentët dhe punonjësit e kompanive.
Gjatë vitit akademik 2025–2026, në Shqipëri, Mal të Zi dhe Bosnjë-Hercegovinë po zhvillohen kurse që ndërthurin mësimin online me trajnimin praktik në Qendrat Multifunksionale të Mësimit. Programet trajtojnë tema si inteligjenca artificiale, siguria kibernetike, menaxhimi Lean, menaxhimi i projekteve, Industria 5.0 dhe eficienca energjetike. Synimi është që studentët dhe profesionistët të pajisen me njohuri të lidhura drejtpërdrejt me transformimin digjital dhe nevojat e tregut të punës.
Në bashkëpunim me dhomat e tregtisë, kompanitë përfshihen në identifikimin e nevojave për trajnim dhe në orientimin e programeve drejt kërkesave reale të industrisë. Edicioni pasqyron gjithashtu Info Days të organizuara në universitetet partnere për të prezantuar mundësitë e projektit dhe për të nxitur përfshirjen e studentëve, stafit akademik dhe bizneseve.
Buletinin e plotë mund ta lexoni duke klikuar në linkun më poshtë.
