Buletini DERHE | Edicioni 1 – Qershor 2024
Edicioni i parë i buletinit DERHE prezanton nisjen e projektit Digital Education Readiness in the Field of Higher Education, një nismë e programit Erasmus+ që synon të zhvillojë kapacitetet digjitale të institucioneve të arsimit të lartë dhe të forcojë bashkëpunimin e tyre me sektorin e biznesit.
Ky edicion pasqyron takimin hapës të projektit, të zhvilluar më 14 dhe 15 shkurt 2024 në Universitetin e Lubjanës. Partnerët nga Bashkimi Evropian dhe Ballkani Perëndimor diskutuan objektivat, strukturën e bashkëpunimit dhe hapat që do të udhëheqin zbatimin e projektit.
Në buletin prezantohet edhe vizita studimore në KU Leuven Technology Campus Ghent, ku pjesëmarrësit u njohën me teknologjitë AR/VR, laboratorët bashkëkohorë, metodat e mësimdhënies dhe praktikat e menaxhimit të projekteve. Gjithashtu, u përcaktuan gjashtë fushat kryesore të trajnimit: digjitalizimi, Industria 5.0, praktikat Lean, eficienca energjetike, menaxhimi i mbetjeve dhe menaxhimi i projekteve.
Buletinin e plotë mund ta lexoni duke klikuar në linkun më poshtë.
