SKEDA: AI4DigiT – Artificial Intelligence for Digital Transformation in Albania Innovation Hub

Akronimi:                                                                  AI4DigiT
Nr. i projektit:                                                          101268847
Programi:                                                                  Digital Europe Programme
Thirrja:                                                                       DIGITAL-2025-EDIH-AC-08
Tipi i projektit:                                                         European Digital Innovation Hub (EDIH)
Kohëzgjatja:                                                              36 muaj
Koordinator:                                                             Universiteti i Tiranës
Partneriteti :                                                             Konsorciumi AI4DigiT bashkon aktorë nga akademia, sektori publik dhe biznesi:

• Universiteti i Tiranës (UT) – Koordinator
• ACTI Association
• Agjencia Kombëtare e Shoqërisë së Informacionit (AKSHI)
• Dhoma e Tregtisë dhe Industrisë Tiranë (DHTIT)

Ky partneritet kombinon ekspertizën akademike dhe kërkimore, njohuritë mbi inteligjencën artificiale, infrastrukturën dhe politikat publike të digjitalizimit, si dhe lidhjen e drejtpërdrejtë me komunitetin e biznesit.

Buxheti total i projektit:                                         1,154,488.27 EUR
Kontributi maksimal i BE-së:                                  577,244.14 EUR

Rreth projektit

AI4DigiT është një Qendër Europiane e Inovacionit Digjital (European Digital Innovation Hub – EDIH), e krijuar për të mbështetur zhvillimin e inteligjencës artificiale dhe transformimin digjital në Shqipëri, me fokus të veçantë në sektorin e turizmit dhe në transformimin digjital ndërsektorial.

Projekti synon të krijojë një pikë të integruar mbështetjeje për ndërmarrjet e vogla dhe të mesme, startup-et dhe institucionet publike, duke i ndihmuar ato të vlerësojnë nivelin e tyre të digjitalizimit, të adoptojnë teknologji dhe zgjidhje të bazuara në inteligjencën artificiale, të zhvillojnë aftësi të reja dhe të lidhen me ekosistemin europian të inovacionit digjital.

Një element i veçantë i AI4DigiT është zhvillimi dhe promovimi i zgjidhjeve të inteligjencës artificiale të përshtatura edhe për gjuhën shqipe, si dhe ofrimi i mbështetjes për zbatimin e kërkesave të EU AI Act dhe GDPR.

Objektivat kryesore

AI4DigiT synon:

• të ofrojë një AI4DigiT Help Desk për këshillim mbi transformimin digjital, AI Act, GDPR dhe mundësitë e financimit;
• të vlerësojë nivelin e maturitetit digjital të ndërmarrjeve dhe të identifikojë nevojat e tyre për transformim;
• të mbështesë bizneset në testimin dhe adoptimin e zgjidhjeve digjitale dhe të inteligjencës artificiale përpara investimit;
• të zhvillojë trajnime dhe programe për ngritjen e kapaciteteve në fushën e AI dhe transformimit digjital;
• të ofrojë orientim drejt mundësive të financimit kombëtar dhe europian;
• të lidhë bizneset dhe institucionet shqiptare me infrastrukturat europiane të AI, përfshirë AI Factories, Testing and Experimentation Facilities (TEFs) dhe AI-on-Demand Platform;
• të rrisë ndërgjegjësimin mbi inteligjencën artificiale, digjitalizimin, mbrojtjen e të dhënave dhe transformimin e gjelbër.

Shërbimet për bizneset

• Nëpërmjet AI4DigiT, bizneset do të kenë akses në një paketë të integruar shërbimesh, që përfshin:
• Digital Maturity Assessment – vlerësimin e nivelit aktual të digjitalizimit të kompanisë dhe identifikimin e nevojave për zhvillim;
• AI & Digital Solutions Journey – hartimin e një rruge të personalizuar për transformimin digjital dhe adoptimin e zgjidhjeve AI;
• Test Before Invest – mundësinë për të vlerësuar dhe testuar zgjidhje teknologjike përpara marrjes së vendimeve për investim;
• AI Act & GDPR Support – orientim dhe mbështetje për përputhshmërinë me kuadrin europian për inteligjencën artificiale dhe mbrojtjen e të dhënave;
• Skills & Training – trajnime hyrëse dhe të avancuara mbi AI dhe transformimin digjital;
• Access to Finance – orientim drejt granteve kombëtare dhe europiane, financimeve bankare dhe instrumenteve të tjera financiare;
• EU AI Infrastructure Gateway – lidhje dhe matchmaking me EDIH-e dhe infrastruktura europiane të inteligjencës artificiale.

Rezultatet e pritshme

Gjatë tre viteve të zbatimit, AI4DigiT synon të ofrojë mbi 200 shërbime në fushat e këshillimit, përputhshmërisë, trajnimit, matchmaking-ut dhe aksesit në financim. Ndër rezultatet e synuara përfshihen vlerësimi i maturitetit digjital të 65 SME-ve, mbështetja për përputhshmërinë me AI Act dhe GDPR, realizimi i trajnimeve të specializuara, zhvillimi i rrugëve të personalizuara të transformimit digjital dhe krijimi i lidhjeve me infrastrukturat europiane të AI.

Nëpërmjet këtyre aktiviteteve, AI4DigiT synon të përshpejtojë transformimin digjital të bizneseve shqiptare, të rrisë përdorimin e përgjegjshëm të inteligjencës artificiale dhe të forcojë integrimin e Shqipërisë në ekosistemin europian të inovacionit digjital.

Financimi: Projekti AI4DigiT bashkëfinancohet nga Bashkimi Evropian në kuadër të Programit Digital Europe.